ნადირობა — გარეული ნადირისა და ფრინველის მოპოვება. ადამიანის საწარმოო მოღვაწეობის ერთ-ერთი უძველესი დარგი. თავდაპირველად (პალეოლითის ეპოქაში) ნადირობა კოლექტიურ ხასიათს ატარებდა და ნანადირევსაც კოლექტიურად იყენებდნენ. იგი შეხამებული იყო მეთევზეობასთან,
მიწათმოქმედებასთან, მეცხოველეობასთან და სხვა დარგებთან. სახოგადოების განვითარებასთან ერთად წარმოიშვა ნადირობის ინდივიდუალური ფორმა, რომელიც თანდათანობით (განსაკუთრებით ჩრდილოეთ განედში) გადაიზარდა რეწვაში.
ნადირობის უძველესი იარაღი იყო ქვა, ქვის ნაჯახი, კომბალი, ხელშუბი, შორსსატყორცნი შუბი და სხვა, მოგვიანებით — ოროლი, სატევარი, დანა, ბადე, თვითდამჭერი, საჭერი ორმოები. ნადირობის განვითარებაში განსაკუთრებული როლი შეასრულა მშვილდის გამოგონებამ (მეზოლითის ეპოქა), რაც ცეცხლსასროლი იარაღის გამოგონებამდე ხალხთა უმრავლესობაში ნადირობის ძირითად იარაღად დარჩა. ნეოლითიდან ნადირობისთვის იყენებდნენ ძაღლს, ცხენს, დამჭერ ფრინველს (ბაზს). სანადირო იარაღი, რომელიც დაკავშირებული იყო მეურნეობის ხასიათთან, ძალიან ნელა იცვლებოდა, ნადირობის ტრადიციები კი უცვლელად გადაეცემოდა თაობებს. მაგ., ტუნდრასა და ტაიგაში გავრცელებული იყო ნადირობა ძაღლით აბ ბაზით; აზიის მომთაბარე ტომებისათვის დამახასიათებელია ცხენით, მწერებით, ბაზით; ნადირობა ჩრდილოეთ და სამხრეთ ამერიკაში (მას შემდეგ, რაც XV საუკუნეში ევროპელებმა ცხენი შეიყვანეს) — ცხენით; ამერიკის ტრამალებზე, აზიასა და ევროპის შავი ზღვის სანაპიროზე გავრცელებული იყო ნადირობა ქამანდით (საგდებლის ჩამოცმა) და სატყორცნი იარაღით; ტროპიკულ ტყეების ზონაში სანადიროდ იყენებდნენ მშვილდს, შუბებსა და სხვა იარაღებს.
ცეცხლმსროლელ იარაღის შექმნასთან დაკავშირებით სანადირო თოფი თანდათან ნადირობის ძირითად იარაღად იქცა. ამჟამად ნადირობისთვის იყენებენ სანადირო თოფს, ძაღლებს, თვითმჭერ იარაღს (ხაფანგენს, საჭერ ბადეებს), იშვიათად — დამჭერ ცხოველებს (მწევარი და სოროს ძაღლები), სანადირო უბნებზე ნადირ-ფრინველის მისაზიდად იყენებენ მისატყუარებს (ხორცი, თევზი, ნიგოზი, არომატიული ნივთიერებები და სხვა). თოფით ნადირობისთვის იყენებენ შემდეგ საშუალებებს: ნადირ-ფრინველთა დაფრთხობას მონადირე ძაღლის საშუალებით, კვალის აღებას თოვლის საფარზე, საკვებ მოედნებთან და წყლის სასმელ ადგილებთან ჩასაფრებას, დედლის ან მამლის ხმის მიბაძვას, ცოცხალი ცხოველით მიტყუებას (აპელენტი), სოროში შებოლებას ან წყლის მიშვებას და სხვა.

adamiani leopardi saxlshi brundeba
ტომ ლეპარდი, რომლის თითქმის მთელი სხეული დაფარულია "ტატუიროვკით” ცხოვრობდა შოტლანდიის ერთ–ერთ კუნძულზე სახელად (skye) 20 წელი ყოველგვარი ელექტროენერგიისა და საყოფაცხოვრებო ავეჯის გარეშე ”ადამიანმა ლეოპარდმა” რომელმაც 9,500 $ დახარჯა სხეულის ტატუირებისათვის, გადაწყვიტა რომ დაბრუნდეს სახლში, ხოლო მიზეზად კი იგი თავის ასაკს ასახელებს. ეს პიროვნება ყოფილი სამხედროა და აცხადებს რომ იგი კმაყოფილია თავისი ცხოვრებით, თუმცა ასეთი ცხოვრება უკვე მას აღარ შეეფერება ასაკის გამო. მიუხედავად კანიონებზე ხეტიალისა და უცნაური ცხოვრებისა იგი მაინც არ არის უკმაყოფილო და აცხადებს რომ აპირებს მოინახულოს ხოლმე ეს ადგილები, ახლი კი იგი თავის მშობლიურ ლონდონს უბრუნდება სადაც მშვიდად შეძლებს მაღაზიებში სიარულსა და პროდუქტების ყიდვას

kedlebze mosiarule peugeot metromorph
დღეს თუ ეტყვით ტაქსის მძღოლს: „გლდანის III მკრ, კორპუსი 12, სართული 8, ბინა 24″ – სასაცილო იქნება, მაგრამ მომავალში ასეთი რამ შესაძლებელი იქნება. ყოველ შემთხვევაში დიზაინერი Roman Mistiuk თვლის რომ ავტომობილმა უნდა მიიყვანოს მფლობელი უშუალოდ მრავალსართულიანი სახლის ბინამდე. ასევე ეს იდეა წყვეტს სადგომების და ავტოფარეხების პრობლემას. „პარკირებული” სადმე მე–80 სართულზე ავტომობილი შეიძლება ასევე აივნის ფუნქციასაც ასრულებდეს. კონცეპტს ჰქვია Peugeot Metromorph და იგი უეჭველად წარმოადგენს ბევრი საინტერესო იდეის ერთობლიობას. მაგალითად სავარძლების ბრუნვითი მექანიზმი და თვლების უნიკალური განლაგება.